Ալադի Կեֆիրով․7 Գաղտնիք Իդեալական Ալադիներ թխելու համար (Տեսանյութ)

Այսօր թխելու ենք Ալադի կեֆիրով, ներկայացնելու եմ 7 հիմնական գաղտնիք-նրբություն իդելական ալադիներ ստանալու համար։ Հետևելով այդ խորհուրդներին միշտ իդեալական արդյունք կստանաք՝ կթխեք այսպիսի փքուն, ծակոտկեն, անուշաբույր և կարմրաթուշ ալադիներ։

Ալադի Կեֆիրով․7 Գաղտնիք Իդեալական Ալադիներ թխելու համար (Տեսանյութ)

Ալադի Կեֆիրով Բաղադրիչներ

  • Կեֆիր — 450 գր․ (խորհուրդ կտամ վերցնել Լակտել բրենդի Լակտոնիա կեֆիրը 2,5 % յուղայնության)
  • Ձու — 1 հատ
  • Սոդա — 1 թ․գդ․
  • Շաքարավազ — 1 թ․ գդ․
  • Աղ — 1 թ․ գդ․
  • Վանիլ — 1 թ․գդ․
  • Ալյուր — 250 գր․

Ալադի Կեֆիրով․7 Գաղտնիք Իդեալական Ալադիներ թխելու համար (Տեսանյութ)

Իդեալական Ալադիներ Պատրաստելու 7 գաղտնիք

  • Սկսենք հաջողված ալադիների ամենակարևոր պայմանից — դա կեֆիրն է։ Գաղտնիք առաջին՝ մածունը փոխարինում ենք կեֆիրով։ Ես օգտագործում եմ և ձեզ էլ խորհուրդ կտամ վերցնել Լակտել ֆիրմայի Լակտոնիա կեֆիրը, որը մեր բոլոր խոշոր սուպերմարկետներից կգտնեք։ Այն շատ հաճելի բնական քաղցրություն ունի, որը պայմանավորված է պատրաստման տեխնոլոգիայով, այլ ոչ թե շաքարի առկայությամբ։ Մածունի համեմատ սա առավելություն է, քանի որ մածունի թթվայնությունը կոտրելու խնդիր չունենք, ուստի կարող ենք շաքարավազ էլ չավելացնել, եթե այս կեֆիրն ենք օգտագործելու
  • Լակտոնիա կեֆիրները երկու տարբեր չափսերի և յուղայնության են լինում, մենք միանգամից կվերցնենք 450 գրամանոցը և առավել յուղային 2,5 % յուղայնությամբ, ինչը մեզ հնարավորություն կտա նաև ձիթայուղ չավելացնել խմորի մեջ, այդ յուղայնությունը մեզ լրիվությամբ բավարար է
  • 900 գրամանոցը մեզ համար շատ է, լրացուցիչ չկիսելու համար, հենց այս մյուս փոքր տարբերակն էլ կվերցնենք 450 գրամանոցը
  • Ընդ որում կեֆիրն այնքան օգտակար կաթնամթերք է, որը բացի աղեստամոքսային, նյարդային և մաշկային խնդիրները լուծելուց, նաև դիետիկ նիհարեցնող ընդգծված հատկություն ունի, սա նիհարել պատրաստվողների համար
  • Օգտագործեցինք հենց 450 գրամն էլ, ինչպես և բաղադրատոմսում նշված է
  • Գաղտնիք երկրորդ՝ կեֆիրը պետք է անպայման լավ տաք լինի կամ գոնե սենյակային ջերմաստիճանի
  • Ես չեմ հասցրել շուտ հանել և այն բավարար չափով տաք չէ, իսկ այդ դեպքում այն հաջող չի ստացվի։ Որոշում ենք ամանին ձեռք տալով, եթե այն հաճելի տաք է, ուրեմն նորմալ է, մեր դեպքում մի փոքր կտաքացնենք գազօջախի վրա խառնելով մարմանդ կրակին
  • Վերջ արդեն գոլ է, վերցնենք կրակից
  • Գաղտնիք երրորդ՝ կեֆիրի մեջ սոդան պետք է ավելացնել ոչ թե սկզբում, այլ ամենավերջում, պարզապես գդալի ծայրով մի պտղունց այժմ լցնենք կեֆիրի մեջ, որպեսզի թթվային խմորումները սկսվեն, մնացածը ամենավերջում կավելացնենք, դա շատ կարևոր է
  • Մեկ ձու կլցնենք այստեղ, կխառնենք կդնենք մի կողմ
  • Թխվածքների մեջ ոսկե կանոն է փոշի բաղադրիչները խառնել իրար, ապա նոր ավելացնել հեղուկ մասսային
  • Հետևելով կանոնին 250 գրամ ալյուրի մեջ ավելացնենք ընդամենը մեկ թեյի գդալ շաքարավազ, արդեն նշեցի որ կեֆիրի բնական քաղցրությունը մեզ հնարավորություն է տալիս խուսափել լրացուցիչ 3 կամ 4 ճաշի գդալ շաքարից
  • Վանիլին կավելացնենք մեկ թեյի գդալ

Ալադի Կեֆիրով․7 Գաղտնիք Իդեալական Ալադիներ թխելու համար (Տեսանյութ)

  • 1 թեյի գդալ աղ
  • Այժմ փոշի բաղադրիչները մաս-մաս կմաղենք  խմորի մեջ լավ խառնելով այդ ընթացքում
  • Մաղելը թթվածնով հագեցնում է ալյուրը, արդյունքում թխվածքները շատ թեթև և փափուկ են ստացվում այդ դեպքում
  • Խմորը արդեն պատրաստ է, ահա հենց այս ժամանակ էլ ալյուրի վերջին մի փոքր բաժնի հետ ավելացնում ենք մեր 1 թեյի գդալ սոդան, մաղում մի վերջին անգամ խառնում և վերջ դնում կողքի
  • Գաղտնիք չորրորդ՝ խմորը պետք է մնա 15-30 րոպե հանգստանալու
  • Գաղտնիք հինգերորդ՝ թավան որի մեջ պետք է տապակենք պետք է լինի չուգունե կամ գոնե ունենա լավ հաստ հատակ
  • Գաղտնիք վեցերորդ՝ խմորը եփելուց առաջ այլևս չենք խառնում, ոչ մի դեպքում, միայն գդալով վերցնում և դնում ենք տապակի մեջ
  • Որտեղ արդեն ձիթայուղը լավ տապակվել է, դա ստուգում ենք բամբուկե ձողը խմորով ձեթի մեջ դնելով
  • Արդեն գդալով կլցնենք ալադիները հնարավորինս կլորացնելով
  • Գաղտնիք յոթերորդ՝ թխելու ենք մարմանդ կրակի վրա փակ կափարիչով, յուրաքանչյուր կողմից 2-3 րոպե
  • Հասկանում ենք որ արդեն ներքևից եփվել են, եթե խմորը ծակոտիներով լրիվ ծածկված, լավ փքվել է  տակից արդեն վարդագույն կեղևը երևում է, հաստ բահիկը կարևոր է, անվնաս շրջելու համար
  • Շրջելուց հետո կրկին փակ կափարիչով պետք է եփվի
  • Բացեցինք, համոզվեցինք որ ներքևից էլ է կարմրել և հանեցինք
  • Տեսեք ավելի շատ փքաբլիթ է հիշեցնում, չգայթակղվելու տարբերակ չի թողնում
  • Այս սկզբունքով թխենք նաև մյուս մասը, բայց ես ունեմ նաև մեկ սիրելի տարբերակ, իմ ֆավորիտը դա հալվող պանրով ալադիներն են
  • Շաքարավազի գրեթե բացակայությունը հնարավորություն կտա ձեզ ստանալ նման ալադիների աղի պանրային հետաքրքիր և շատ համեղ տարբերակ
  • Կրակից հանելուց կարելի է խոհանոցային անձեռոցիկների վրա մի փոքր թողնել ավելորդ ձիթայուղից ազատվելու համար
  • Մատուցելու ժամանակն է արդեն, մատուցելիս կարելի է քաղցրացնել այն շաքարավազի փոշով, տարբեր մուրաբաներով, մեղրով, հատապտուղներով՝ դա արդեն ըստ ձեր կամ տան փոքրիկների ճաշակի է
  • Կիսենք և համոզվենք, որ ներսից էլ փքուն, ծակոտկեն եփված օդային խմոր է, իսկ ուտելուց էլ միանշանակ շաատ համեղ է։

Ալադի Կեֆիրով․7 Գաղտնիք Իդեալական Ալադիներ թխելու համար Տեսանյութ

Դե ինչ, բարի ախորժակ։

Понравилась статья? Поделиться с друзьями: