Կարեն Գիլոյանը կվերցնի Արթուր Ալեքսանյանի մեդալը․ Ինչ պայմանավորվածություն է եղել մեր հզոր մարզիկի և սիրված մեկնաբանի միջև
Մարզական մեկնաբան Կարեն Գիլոյանը հունահռոմեական ըմբիշ Արթուր Ալեքսանյանի չեմպիոնական գոտեմարտից հետո պատմեց իր և Ալեքսանյանի պայմանավորվածության մասին, որը ձեռք են բերել 2012 թվականին, երբ Ալեքսանյանն առաջին անգամ դարձավ Եվրոպայի չեմպիոն:
Գիլոյանը նշեց, որ այն ժամանակ Ալեքսանյանին ասել է, որ 5-րդ ոսկե մեդալն իրենն է լինելու, իսկ Ալեքսանյանը համաձայնվել է: Կարեն Գիլոյանն ասաց, որ անհամբեր սպասելու է, որ մեդալը հայտնի իր կրծքին: Հիշեցնենք, որ 2016 թվականի Օլիմպիական խաղերից հետո Արթուր Ալեքսանյանը սափրել է Կարեն Գիլոյանի գլուխը: Մարզական մեկնաբանը 2008 թվականին խոստացել էր սափրել գլուխը, եթե Հայաստանն օլիմպիական չեմպիոն ունենա:
