Այսօր ՀՀ վարչապետի տիկին Աննա Հակոբյանի ծննդյան օրն է:
Չորս զավակների մայր, ինչպես շատերն են նրան բնութագրում՝ Հայաստանի դուստր Աննա Հակոբյանն այսօր դառնում է քառասուներկու տարեկան:
Մասնագիտությամբ լրագրող Աննա Հակոբյանն իրեն հրաշալի է դրսևորել այն բոլոր ոլորտներում, որտեղ մասնագիտության կամ կենսական հանգամանքների բերումով հայտնվել է:
Նախ՝ որպես ընդդիմադիր Ն. Փաշինյանի կին՝ նա կարողացել է առանց խուճապի ու ավելորդ լարվածության հոգ տանել ամուսնու և երեխաների մասին նույնիսկ այն ժամանակ, երբ ամուսինը գտնվել է նախ ընդհատակում, ապա նաև՝ բանտում:
Ընդ որում՝ նա միաժամանակ հասցրել է հետևել ընտանեկան «Հայկական ժամանակ» թերթի աշխատանքային ընթացքին:
Հետո նա կարողանում է իրեն փայլուն դրսևորել նաև հեղափոխության օրերին՝ արժանանալով ժողովրդական մասսայական հիացմունքի:
Այժմ Աննա Հակոբյանն իրեն լավագույնս դրսևորում է նաև որպես ՀՀ վարչապետի կին: Նա զբաղված է մի շարք պետական կարևոր ծրագրերով, որոնց արդյունավետ գործունեության փաստը ակնհայտ է ու անվիճելի: