Աչքերը հոգու հայելին են. Մեծ աչքերը սովորաբար զգայուն հոգու, հաճախ արիության և նույնիսկ լիդեր լինելու վկայություն են.
Վաղուց ի վեր աչքերը համարել են հոգու պատուհաններ: Աչքերով միշտ որոշել են մարդկանց ներքին ապրումները: Այն կարծիքը կա, որ գեղեցիկ ու գրավիչ աչքերով մարդն առողջ է, կամային, խելացի, կրակոտ: Նման աչքերը, ըստ դիմագետների, ունեն մի շարք բնութագրեր: Նրանք ճառագում են լույս ու ջերմություն, լավ պաշտպանված են կոպերով, ունեն արտահայտիչ ծիածանաթաղանթ: Շեղումները վկայում են բնավորության և մտավոր թերությունների մասին:
Մեծ աչքերը սովորաբար զգայուն հոգու, հաճախ արիության և նույնիսկ լիդեր լինելու վկայություն են: Հաճախ փոքր աչքեր ունեն անհաղորդ, երբեմն ինքնագոհ ու համառ մարդիկ, որոնք հաճախ են աչքի ընկնում զարմանալի հավատարմությամբ: Ծիածանաթաղանթի գույնը նշում է կենսուժի լինել կամ չլինելը: Սևը, դարչնագույնը, կանաչը նշանակում են եռանդունություն, երկնագույնը՝ դյուրազգացություն, բաց դարչնագույնը՝ ամոթխածություն:
Պսակաձև դեպի վեր թեքված երկարավուն ձևի աչքերը փյունիկի աչքերն են: Այդպիսի աչքերով մարդը նուրբ խառնվածքի տեր է: Մեծ աչքերը՝ կոպերի բազմաթիվ ծալքերով, առյուծի աչքերն են: Այդպիսի աչքեր ունեն պարագլուխները: Նեղ, ձգված, կրկնակի, եռակի կոպերով աչքերը փղի աչքերն են:
Դրանք, իբրև կանոն, բնորոշ են գեր, հանգիստ բնավորության տեր մարդկանց:
Կլոր դեղնավուն փայլով աչքերը վագրի աչքերն են: Նեղ, փոքր, սևադեղնավուն ծիածանաթաղանթով աչքերը ոչխարի աչքերն են, եռանկյուն բացվածքով ու կախ կոպերով աչքերը վարազի աչքերն են, չափից ավելի մեծ ծիածանաթաղանթով աչքերը գայլի աչքերն են:
