Տղան հիվանդանոց է դիմել երկու տարի առաջ՝ մանկական ուղեղային կաթվածի ախտորոշմամբ:
Նրան բուժող բժիշկը՝ Հովսեփ Դանիելյանը, պատմում է, որ հիվանդանոց դիմելուց և ստացիոնար բուժման անցնելուց հետո տղան վիրահատական միջամտությունների է ենթարկվել, որոնց արդյունքում տասը տարի քայլել չկարողանալուց հետո տղան սկսել է քայլել: Վիրահատությունների ժամանակ կատարվել է սրունքի ծալիչների երկարացում: Երկամյա բուժման ընթացքում տղայի մի ոտքի վրա իրականացվել է 4 վիրահատություն, իսկ մեկ տարի անց՝ մյուս ոտքի վրա:
Բժիշկը նշում է, որ 3-4 տարեկանում տղան ևս մի վիրահատություն է ունեցել, որի արդյունքում կարողացել է քայլել, նույնիսկ մի որոշ ժամանակ դպրոց է հաճախել, բայց ժամանակի ընթացքում կրկին վիճակը փոխվել է, իսկ բժշկի դիմել են ավելի ուշ:
Բժիշկը նշում է, որ այս հիվանդությունը առաջանում է հղիության ժամանակ, ներարգանդային փուլում. ախտահարվում է շարժիչ կենտրոնը, որի հետևանքով առաջանում են շարժողական խանգարումներ:
Ճիշտ է, նա քայլում է քայլակով, դժվարությամբ է կարողանում առանց քայլակի քայլել, սակայն նկատելի է, որ բուժումը տալիս է իր դրական արդյունքները:
Տասը տարեկան հասակից անկողնուն գամված տղան այսօր արդեն ինքնուրույն քայլում է. «Սուրբ Աստվածամայր» ԲԿ-ում տղային «նոր կյանք» են նվիրել 🥰
Опубликовано Sourb Astvatsamayr Medical Centre Среда, 29 января 2020 г.
