Ռոբերտ Նիկողոսյան… այս «անհայտ» նկարչի ստեղծագործությունները հայտնի են բոլորին. թերևս շատ-շատերն են ամենօրյա առնչություն ունենում Ռոբերտ Նիկողոսյանի արվեստի գործերի հետ:
Շատերին հետաքրքրում է, թե նա ինչպես է կարողանում պատերի վրա ներկերով նման պատկերներ ստանալ:
Շատերն էլ պարզապես հիանում են նրա ստեղծագործություններով ու անցնում:
Ինքը՝ նկարիչը, համեստորեն է վերաբերվում իր ստեղծագործություններին: Թերևս, հենց սա է նրա հաջողության գաղտնիքը:
Ռոբերտի մտքի աներևակայելի թռիչքի շնորհիվ զարդարվել և արվեստի գործերի են վերածվել ինչպես երևանյան, այնպես էլ մարզային շինությունների պատերը:
Հենց Ռոբերտն է հեղինակել Մոնթեի, Սևակի, Չարենցի, Հաց Բերողի, Թաթուլի, Սոս Սարգսյանի և շատ ու շատ այլ երախտավորների դիմանկարները տարբեր շինությունների բացօթյա պատերին՝ դրանք այլևս արվեստի նմուշ դարձնելով:
Հատկանշական է, որ Ռոբերտի աշխատանքները պարզապես բարի կամքի և տաղանդի դրսևորումներ են. դրանք չեն արվում հատուկ պատվերով:
Նկարիչն իր էջում երբեմն կիսվում է իր ստեղծագործական ընթացքի փոքրիկ դետալներով:
Կից ներկայացնում ենք նրա գործերից մեկի ընթացքն ու ստեղծման պատմությունը ներկայացնող փոքրիկ հոլովակ:
