Թումո տեխնոլոգիաների հայկական կենտրոնն ընդլայնում է իր աշխարհագրությունը։ Նոր մասնաճյուղ կբացվի Ճապոնիայի մայրաքաղաք Տոկիոյում։
«Հաջորդ կանգառը Ճապոնիան է։ Այսօր մենք փոխըմբռնման հուշագիր ենք ստորագրել Gakken Publishing հրատարակչության հետ։ Ճապոնիայի առաջատար հրատարակչական տներից եւ կրթական կենտրոններից մեկը զբաղվելու է Տոկիոյում Թումո կենտրոնի բացման նախնական աշխատանքներով: Կհանդիպենք ռոբոտների, մանգայի եւ սակուրայի երկրում», — հայտնում է «Թումոյի» մամուլի ծառայությունը Facebook-ում։
«Թումո» կենտրոնը Հայաստանում բացվել է 2011 թվականին ԱՄՆ-ից Սիմոնյան ամուսինների կողմից։ Կենտրոնը սովորեցնում է երեխաներին եւ դեռահասներին ծրագրավորման, վեբ զարգացման, թվային լրատվամիջոցների հիմունքների: «Թումո» կենտրոններն աշխատում են Երևանում, Գյումրիում, Դիլիջանում, Ստեփանակերտում, Փարիզում։ Մոտ ժամանակներս «Թումո» -ն կբացվի Ղազախստանի մայրաքաղաք Նուր Սուլթանում։
