Ռուսաստանի Խանտի Մանսիյսկ քաղաքում մեկնարկվում է ՖԻԴԵ-ի Աշխարհի Գավաթի մրցաշարը:
Սեպտեմբերի 9-ից հոկտեմբերի 4-ը 47 երկրների 128 շախմատիստներ կխաղան յոթ շրջան նոկաուտ համակարգով: Եզրափակիչի մասնակիցները կստանան հավակնորդների մրցաշարի ուղեգիր:
Հայաստանը ներկայացնում են չորս շախմատիստներ ՝ Լեւոն Արոնյանը, Սերգեյ Մովսեսյանը, Արման Փաշիկյանը եւ Ռոբերտ Հովհաննիսյանը:
Մրցաշարին մասնակցում են նաև սփյուռքահայ Սամուել Սևյանը ՝ ԱՄՆ-ից և Գրիգոր Սևակ Մխիթարյանը՝ Բրազիլիայից:
Մրցակիցներն առաջին պարտիաներում կխաղան դասական ռեժիմով։ Արդյունքների հավասարության դեպքում տեղի կունենան արագ և բլից պարտիաներ։
Աշխարհի գործող գավաթակիրը Լեւոն Արոնյանն է: Նա նաեւ առաջին նման մրցաշարի հաղթողն է, որը Խանտի Մանսիյսկն կայացել էր դեռեւս 2005 թվականին։
