Լոս Անջելեսում կայացել է պրոֆեսիոնալ բռնցքամարտի WBA մրցաշարը, հայ Ազատ Հովհաննիսյանի եւ Վենեսուելայի ներկայացուցիչ Ֆրանկլին Մանսանիլայի միջեւ մենամարտը:
Մենամարտը ժամանակից շուտ ավարտվեց 4-րդ ռաունդում այն բանից հետո, երբ «Խելագար» մականունով հայը նոկաուտի ենթարկեց վենեսուելացուն։
Ազատ Հովհաննիսյանը ծնվել է Երևանում 1988 թվականին, այնուհետև տեղափոխվել Միացյալ Նահանգներ։ 31-ամյա բռնցքամարտիկը տարել է 19 հաղթանակ։ Մենամարտ վարելու իր գործելաոճի համար Հովհաննիսյանը ստացել է «Խելագար» (Crazy) մականունը։
Ավելի վաղ հայտնի էր, որ Կալիֆոռնիայի Հոլիվուդում տեղի է ունեցել բռնցքամարտի մենամարտ Golden Boy DAZN մրցաշարի շրջանակներում, որտեղ «Խելագարը» նոկաուտի է ենթարկել մեքսիկացի Գլեն Պորասին:
