Այսպիսի համեղ խորտիկից ոչ ոք չի հրաժարվի, այն այնքան համեղ է, որ նույնիսկ երկու բաժինը չի հերիքի:
Այն պատրաստելու համար պահանջվում է
Ծովախեցգետնի ձողիկներ 10-15 հատ
Կոշտ պանիր 200 գր
ձու 2 հատ
ալյուր 3 ճ/գ
աղ պղպեղ ըստ ճաշակի
սոյայի սոուս 2 ճ/գ ըստ ցանկության
Պատրաստման եղանակը
Սկզբի համար վերցնում ենք կոշտ պանիրը, կտրում շերտերի, այնուհետև ձողիկների, որպեսզի չափսը համապատասխանի խեցգետնի ձողիկի չափսին: Բացում ենք խեցգետնի ձողիկը, ի դեպ գնում ենք որակյալ խեցգետնի ձողիկներ, որպեսզի կարողանանք հեշտ բացել այն: Ձողիկի տեսքով կտրած պանիրը դնում ենք բացված խեցգետնի ձողիկի մեջ և փաթաթում ենք այն՝ բերելով իր նախնական տեսքին: Այդպես փաթաթել նաև մյուս խեցգետնի ձողիկները:
Այնուհետև ձուն հարել, ավելացնել աղ և պղպեղ ըստ ճաշակի, կաթ կամ կեֆիր, ավելացնում ենք ալյուրը և սոյայի սուուսը, եթե չունեք սոյայի սոուս, կարող եք չավելացնել: Այս ամենը լավ խառնում ենք, որպեսզի ալյուրի գնդիկներ չմնան զանգվածի մեջ: Վերցնում ենք խեցգետնի ձողիկները, թաթախում ենք պատրաստի խյուսի մեջ և հերթով շարում տաքացած թավայի մեջ: Տապակում ենք ձողիկները բոլոր կողմերից:
Տապակվելուց հետո ձողիկները տեղափոխում ենք ափսեի մեջ, գեղեցիկ դասավորում: Արդեն պատրաստ է, բարի ախորժա՛կ:
Պատրաստման մանրամասները դիտեք հոլովակում: