Հեդդա Բոլգար. Տարիքի հետ գալիս են ազատությունը, փորձն ու անսովոր  վստահությունն այն բանում, որ դու կարող ես անել ամեն ինչ.

Հեդդա Բոլգար. Տարիքի հետ գալիս են ազատությունը, փորձն ու անսովոր  վստահությունն այն բանում, որ դու կարող ես անել ամեն ինչ.

Հեդդա Բոլգար. Տարիքի հետ գալիս են ազատությունը, փորձն ու անսովոր  վստահությունն այն բանում, որ դու կարող ես անել ամեն ինչ.

Այս կենսուրախ կինը հայտնի հոգեթերապևտ Հեդդա Բոլգարն է: Նա ապրել է 103 տարի և մինչև իր կյանքի վերջին օրն ընդունել իր հիվանդներին, որոնք նրան պարզապես պաշտում էին:

Այդ կինն ամբողջովին ներծծված էր դրական էներգետիկայով ու կյանքի նկատմամբ ունեցած սիրով, որը վարակի նման հեշտությամբ փոխանցվում էր ուրիշներին:

Ձեր ուշադրությանն ենք ներկայացնում այս բացառիկ կնոջ երկարակեցության գաղտնիքներն ու կյանքի կանոնները:

Ծերությունը` ուրախություն…

Ծերությունն ազատություն է:

Հեդդա Բոլգարն անվերջ ծիծաղում էր ու իրեն համեմատում վաճառողի հետ, ով հմտորեն կարողանում էր վաճառել ոչ ամենալավ ապրանքը: Իսկ չէ՞ որ Բոլգարը «վաճառում» էր ծերությունը: Նա վստահ էր, որ տարիքի հետ գալիս են ազատությունը, փորձն ու անսովոր  վստահությունն այն բանում, որ դու կարող ես անել բացարձակապես ամեն ինչ: Բժիշկ Բոլգարն այնքան վստահ էր ներկայացնում առաջացած տարիքի առավելությունները, որ ծերերը հերթ էին կանգնում նրա մոտ ընդունելության գնալու համար:

«Ինձ թվում է` նրանք ծերության մեջ սոսկ կորուստներ, հիվանդություններ ու այլ բացասական բաներ են տեսնում, սակայն նրանք չեն տեսնում, որ ծերության մեջ շատ ձեռքբերումներ կան»,- ասում էր Հեդդան:

Ի դեպ, ինքը` Հեդդան, միայն 101 տարեկանում զգաց յոգայի ողջ հմայքը ու հաճույքով զբաղվում էր դրանով:

«Ես երջանիկ կյանք եմ ապրել…»

«Շատ բաներ ես ինձ համար բացահայտել եմ 65 տարեկանից հետո»,- պնդում էր Հեդդան: Դա հիանալի առիթ է չնվնվալու ու ուրախությամբ ընդունելու ծերությունը, որը քո առաջ բազում հնարավորություններ է բացում:

Շատերը դեռևս 40 տարեկանում համարում են, որ կյանքն ավարտվել է, և փոփոխությունների սպասելն անմտություն է: Բայց արդյո՞ք դա այդպես է: Հեդդա Բոլգարն իր օրինակով ցույց տվեց, որ ծերությունը հիանալի բան է:

«Ես երջանիկ կյանք եմ ապրել, բայց ամենաերջանիկը եղել են վերջին 10 տարիները»,- ասում էր նա:

Իմաստ ունի՞ արդյոք թոշակի գնալը:

Հեդդա Բոլգարի երկար ու երջանիկ կյանքի գաղտնիքը թաքնված է չհոգնող ակտիվության մեջ: Նա ապրեց 103 տարի ու մինչև իր կյանքի վերջին օրն ընդունում էր իր հիվանդներին: Կինը պարզապես չէր հասկանում, թե ինչո՞ւ թոշակի գնալ: Չէ՞ որ այնքան հաճելի է արթնանալ այն մտքով, որ առջևում քեզ շատ օգտակար ու հաճելի գործեր են սպասվում:

«Ես սիրում եմ մարդկանց հասկանալ»:

Հեդդան սիրում էր մարդկանց հետ աշխատել, սիրում էր լսել ու հասկանալ նրանց:

«Աշխարհում ամենահետաքրքիր բանը հետևելն է, թե ինչպես են փոխվում մարդիկ, ինչպես է բարելավվում նրանց կյանքը, ինչպես են նրանք սկսում իրենց ազատ զգալ»,- ասում էր նժիշկ Բոլգարը: Եվ իսկապես, ծերության հետ կապված՝ այդ կնոջ միակ ափսոսանքն ընդունելությունների համար նոր հիվանդներ գրանցելու հնարավորության բացակայությունն էր. Այդ հասակում Հեդդան միայն ոչ երկարատև թերապիաներ անցկացնելուն էր համաձայնում:

Հեդդա Բոլգարը միշտ իր պացիենտներին փորձում էր օգնել հասկանալ ու սիրել սեփական տարիքդ:

Իսկ ի՞նչ է այդ իմաստուն կինը խորհուրդ տալիս անել ծերությունը ժպիտով դիմավորելու համար:

  • Հիշիր, որ քո սարսափների մեծ մասը գտնվում է բացառապես քո երևակայության մեջ:
  • Աշխատիր այնքան, որքան թույլ կտա առողջությունդ: Չարժե շտապել թոշակի գնալ:
  • Ամենօրյա բաների մեջ ուրախություն գտիր:
  • 50 տարեկանից հետո մենք ուրիշների դատողություններից զարմանալի անկախություն ենք ձեռք բերում: Դրանից հաճախ օգտվիր ու հնարավորինս քիչ անհանգստացիր ուրիշի կարծիքների համար:
  • Երիտասարդների վրա մի փնթփնթա, այլ աշխատիր ընկերանալ նրանց հետ:
  • Քնիր ու կեր, ինչքան ուզում ես:
  • Մի կենտրոնացիր անցյալիդ վրա, այն քայքայում է քո ներկան:
  • Մի տագնապիր ապագայիդ համար. Այն անպայման հաճելի անակնկալներ կմատուցի քեզ:
  • Հետաքրքրվիր քո մտերիմներով ու կարեկցանք ցուցաբերիր նրանց նկատմամբ:
  • Տեղի ունեցողն ընդունիր այնպես, ինչպես որ կա, և մի մտահոգվիր դժվարությունների համար:
  • Շնորհակալ եղիր ապրածդ յուրաքանչյուր օրվա համար:
  • Դու, միևնույն է, չգիտես, թե քեզ հետ ինչ կլինի ապագայում: Ուրեմն ինչո՞ւ չվայելել յուրաքանչյուր օրը: Դու կտեսնես, որ տարիքի հետ կյանքը միայն բազում հաճույքներ ու հաճելի անակնկալներ է մատուցում:

Աղբյուր՝ 168.am

Понравилась статья? Поделиться с друзьями: