Արամ Ավետիքի Սարգսյանը ծնվել է 1984 թվականի ապրիլի 5-ին Երևանում, Հայաստան: Դեռ մանկուց նա ներգրավված է եղել մի շարք երգչախմբերում և թատերական ներկայացումներում։ Թեև նա միշտ երազել է մեծ բեմի մասին, սակայն ընտրել է դեղագործի մասնագիտությունը՝ ավարտելով Երևանի պետական բժշկական համալսարանը:
Ուսանողական տարիներին Արամը մասնակցում էր «ԿաՎեԷն» հումորային ծրագրի շոուներին։ 2006 թվականին Արամը դառնում է «32 ատամ» հումորային ակումբի անդամը, որտեղ էլ իր գործընկերներից մեկը նրան անվանել է MP3, և նա որոշում է դարձնել այն իր բեմական կեղծանունը: 2007 թվականին Արամը ճանաչվում է հաղթող Հանրային հեռուստաընկերության «2 աստղ» մրցույթում։
Համագործակցելով Շանթ հեռուստաընկերության հետ՝ նա վարել է այդ հեռուստաընկերության «Իքս-Ֆակտոր», «Հայ Սուպերսթար», «Իմ անունն է», «10-ի ուժը» և այլ նախագծեր։Արամը հանդիսացել է «Վիտամին ակումբ» հումորային նախագծի անդամ, որը հեռարձակվում էր յուրաքանչյուր շաբաթ Շանթ հեռուստաընկերությամբ։Այժմ նա Հանրային հեռուստաընկերության «Լավ Երեկո» հաղորդման հաղորդավարներից մեկն է:
2014 թվականի մայիսին Դանիայի մայրաքաղաք Կոպենհագենում ներկայացնելով Հայաստանը Եվրատեսիլ 2014 երգի մրցույթում իր «Not Alone»երգով զբաղեցրել է 4-րդ հորիզոնականը։
Վայելենք նրա կատարմամբ ՙՙՍկսում ենք՚՚ երգի տեսահոլովակը, որը համացանցում ավելի քան 11 000 000 միլիոն դիտում ունի: