«Աղջիկս մուլտհերոսներից չվախեցավ, հակառակը՝ երջանիկ ժպտում էր». Միսթր X-ի եւ Սվետլանայի դուստրը մեկ տարեկան է.
Արթուր Հակոբյանի եւ Սվետլանա Բոսնոյանի դուստրը՝ Իզաբելը, արդեն մեկ տարեկան է: Փոքրիկի տարեդարձի կապակցությամբ հաղորդավարուհին գունեղ խնջույք է կազմակերպել՝ լուսանկարները տրամադրելով BRAVO.am-ին:
«Իզաբելի մեկամյակը մի քանի օր ուշացմամբ տոնեցինք: Տարեդարձի օրն աշխատանքային էր, եւ հյուրերի մեծ մասին հարմար չէր ներկա գտնվելը: Ծննդյան օրը երեքով ռեստորան գնացինք, իսկ օրեր անց նաեւ աղջկական գեղեցիկ հավաքույթ ունեցանք՝ այստեղի հայտնի թեյարաններից մեկում»,- ասել է Սվետլանան:
Խնջույքի գաղափարը Իզաբելի մայրիկին է եղել.«Դստերս ծնվելուց հետո նրան նվիրված մի
քանի մեծ հավաքույթ նախաձեռնել ենք ու հասկացել, որ նման խնջույքներն ահռելի ժամանակ են խլում: Այժմ երկուսիս զբաղվածությունը թույլ չի տալիս նման միջոցառումներ կազմակերպել: Այս անգամ մեր հյուրերը կանայք էին՝ իրենց բալիկներով»,- նշել է նա:
Տարեդարձի թեման «Ալիսան հրաշքների աշխարհում» հեքիաթն է եղել.«Շատ ուրախ անցավ: Իզաբելն իրեն լավ էր զգում, տրամադրությունը բարձր էր, բոլոր հյուրերին ջերմ ժպտում էր: Տոնական ատրիբուտները նուրբ երանգների մեջ էին, տորթը՝ նույնպես: Կենդանի նապաստակներ էի բերել, եւ փոքրիկները շատ ուրախացան: Զարմանալի է՝ աղջիկս մուլտհերոսներից չվախեցավ, հակառակը՝ երջանիկ ժպտում էր»:
Խոսելով նվերներից՝ նա ասել է.«Գեղեցիկ ու պիտանի նվերներ ենք ստացել: Արթուրը մեր ամուսնության հոբելյանի կապակցությամբ ինձ «Audi» մակնիշի սպիտակ ավտոմեքենա էր նվիրել, նույնի մանկական էլ մեր դստերն է նվիրել»:
Ծննդյան տոնից օրեր անց Սվետլանան դստերը լուսանկարահանման է տարել. «Այստեղ մի հայտնի ավանդույթ կա, որ երեխայի մեկամյակի օրը ծնողները նրան առաջին անգամ տորթ են նվիրում ու թույլ տալիս, որ ինքնուրույն ուտի այն: Զարմանլի է, բայց իմ աղջիկը տորթը չավիրեց, փոքրիկ կտորներ պոկեց եւ կերավ:)»:
Աղբյուր` bravo.am
