Գիքորի դերակատար Ալբերտի պատասխանը Սոս Սարգսյանին. Հարցրել է, թե տղան որ դասարանում է սովորում և լսվել է պատասխանը՝ մեր դասարանում.
Գիքոր ֆիլմի դերակատարը՝ Ալբերտ Ղուլինյանը , որն ապրում է Լոռվա Դսեղ գյուղում, վերջերս թոռնիկ է ունեցել: Տեսանյութում Ալբերտը պատմում է իր կյանքի և ընտանիքի մասին, իսկ հայրը կրկին հիշում է ֆիլմի նկարահանման օրերը, թե ինչպես են որդուն ընտրել:
Գիքորի դերակատարին ընտրության հետ կապված մի անգամ Սոս Սարգսյանը հիշել է, թե ինչպես են կանգ առել հենց Ալբերտի վրա:
Պարզվում է, երբ նկարահանող խումբը Դսեղում Գիքորի դերակատարին է փնտրել, հանկարծ, տեսնելով Ալբերտին, Սոս Սարգսյանը հարցրել է, թե տղան որ դասարանում է սովորում և լսվել է Ալբերտի պատասխանը՝ մեր դասարանում:
Դերասանը հիշում է, որ հենց այց պահին նրանք հասկացան, որ իսկական Գիքորին են հանդիպել՝ պարզ, մաքուր ու միամիտ:
