Արսեն Թորոսյան. Մեր գործընկերոջ գործը մեր ուշադրության կենտրոնում է.
ՀՀ Առողջապահության նապարար Արսեն Թորոսյանը իր ֆեյսբուքյան էջում գրառում է կատարել` «Դեռ 3 շաբաթ առաջ ծանոթացել եմ մոսկովյան «Բուտիրյան» բանտում գտնվող ՀՀ քաղաքացի, պլաստիկ վիրաբույժ Գևորգ Ստեփանյանի գործի մանրամասներին։ Դրանից հետո խոսել եմ Ռուսաստանում մեր դեսպանի և մի շարք այլ գործընկերների հետ։ Մեր դեսպանատունը ինտենսիվորեն աշխատում է ՌԴ իրավապահների հետ, որպեսզի հարցին հանգուցալուծում տրվի և ես հավաստիացնում եմ, որ մեր գործընկերոջ գործը մեր ուշադրության կենտրոնում է:»
Նշենք, որ Armdaily.am-ի հաղորդմամբ ՀՀ քաղաքացի, պլաստիկ վիրաբույժ Գևորգ Ստեփանյանն արդեն 3 ամիս է՝ գտնվում է մոսկովյան «Բուտիրյան» բանտում։
Նրան կալանավորել են մոսկովյան մասնավոր կլինիկաներից մեկում կատարած քթի պլաստիկ վիրահատությունից հետո առաջացած բարդությունների պատճառով, սակայն նրա ընկերներն ու հարազատները վստահ են, որ առաջացած բարդությունները Գևորգի կատարած միջամտության հետ որևէ կապ չունի:
