Արսենից ու Հայկից օրինակ վերցրեք ու իրանց աշխատանքը դարձրեք ձեր մեթոդաբանական ձեռնարկը.
Քաղաքագետ Վլադ Հովհաննիսյանը ֆեյսբուքյան իր էջում գրել է.
Արսեն Թորոսյանն ու Հայկ Մարությանը գոնկա են մտել։ Էս մարդիկ ապացուցում են, որ անգամ մեդիաթիրախ լինելու ու մշտապես մեդիայի կողմից հարձակման ենթարկվելու պարագայում կարողանում են շատ լավ աշխատել ու լավ գործը միշտ երևում ա ու գնահատվում անկախ ամեն ինչից, հատկապես էսօրվա մի շարք նվնվան պաշտոնյաների ֆոնին։
Իմ համար էս 2-ը էս պահին ամենաարդյունավետ աշխատող պաշտոնյաներն են, չնայած առնվազն մեկի պահով ի սկզբանե լուրջ վերապահումներ եմ ունեցել ու ընդունում եմ որ սխալվել եմ։
Կառավարության մյուս անդամները պետք ա էս 2 հոգուց օրինակ վերցնեն ու հասկանան, որ պետք ա աշխատել, աշխատել ու աշխատել, այլ ոչ թե նվնվալ ու բողոքել մեդիայից, աշխարհից, ՀՀԿ-ից մնացած ժառանգությունից, գաղջից, ժողովրդից և այլն։
Քիչ խոսալ ա պետք ու շատ աշխատել․ լայվերի, ճառերի ու կենացների ժամանակը անցավ, հիմա գործի ժամանակն ա, մանավանդ որ դրա համար ոչ մի խանգարող բան չկա․ ավելին, կա 70 տոկոսանոց ռեյտինգ ու վստահություն, միակուսակցական կառավարություն, համարյա միակուսակցական ԱԺ, մեկ անձի ենթարկվող ուժային կառույցներ և այլն։ Ի դեպ, էս հնարավորություններից, որ հիմա ունի «Իմ քայլը», շատերի մասին ՀՀԿ-ն կարող էր միայն երազել։
Նենց որ, եթե ձախողեցիք, ապա դրա մեղավորը լինելու եք դուք, միայն դուք և ոչ ոք բացի ձեզանից։
Արսենից ու Հայկից օրինակ վերցրեք ու իրանց աշխատանքը դարձրեք ձեր մեթոդաբանական ձեռնարկը։ Մի նեղվեք էս փաստից, բայց իրանցից շատ սովորելու բան ունեք։