Այս ճաշատեսակը կզարդարի Ամանորի ձեր սեղանը, քանի որ այն այս տարվա խորհրդանիշն է: Խոզուկ կերակրատեսակը պատրաստված է կատրոֆիլի պյուրեից և խոզի աղացած մսից: Այն ախորժելի տեսք ունի և ամենակարևորը բավականին իրական է, ձեր հյուրերը կարող են զարմացած մնալ:
Բաղադրիչներ
Կարտոֆիլ — 1 կգ
Աղացած խոզի միս `500 գ
Սոխ — 1 հատ:
Արեւածաղկի ձեթ `40 մլ
Ձու — 1 հատ:
Ալյուր — 1.5 ճաշի գդալ
Աղ — ըստ ճաշակի
Սեւ պղպեղ ` ըստ ճաշակի
Քաղցր պղպեղ — 2 հատ:
Պատրաստման եղանակը
Առաջին հերթին հավաքում ենք այն բաղադիչները, որոնցով պետք է պատրաստել խոզուկ ճաշատեսակը:
Նախ կեղևազրկում ենք կարտոֆիլը, լվանում կտրատում լուսնաձև և լցնում կաթսայի մեջ վրան ավելացնելով ջուր և դնել եռալու: Մինչև եռալը ավելացնում ենք աղ, թուլացնում ենք կրակը և թողնում ենք, որպեսզի կարտոֆիլը եփվի:
Մինչ կարտոֆիլը եփվում է միջուկի համար մաքրում ենք սոխը, մանր կտրատում ենք և դնում կրակի, թողնում ենք կրակի վրա այնքան ժամանակ մինչև մի փոքր վարդագույն տեսք ստանան, այնուհետև պատրաստի սոխի վրա ավելացնում ենք աղացած խոզի միսը:
Միսը և սոխը թողնում ենք կրակին այնքան ժամանակ մինչև ֆարշը պատրաստ լինի, չմոռանաք այդ ընթացքում ըստ ճաշակի ավելացնել աղը և պղպեղը:
Արդեն եփված կարտոֆիլի ջուրը թափում ենք և այն վերածում ենք պյուրեի, ավելացնելոց մեկ ձվի դեղնում և ալյուր:
Կարտոֆիլի պյուրեն թողնում ենք որոշ ժամանակ հանգստանալու և սառչելու:
Վերցնում ենք ջեռոցի թավան ծածկում ֆոլգայով և վրան հարթ մակերեսով քսում ենք կարտոֆիլի պյուրեն: Պյուրեն շատ հարմար է ձեռքերով բացել ֆոլգայի վրա, հատկապես երբ ձեռքերը մի փոքր ջրով թրջում եք:
Կարտոֆիլի պյուրերի մեջտեղում լցնում ենք մսով խճողակը:
Այնուհետև կրկին թաց ձեռքերով կողքերից հավաքում և ծածկում ենք մսային խճողակը կարտոֆիլի պյուրեյով և ստանում ահա այսպիսի տեսք:
Այսքանի հետո մնացած պյուրեով պատրաստում ենք խոզուկի ականջները, ոտիկները, քիթիկը, աչքերի տեղը տեղադրում ենք սև հատիկ պղպեղ:
Խոզուկը ջեռոցում թողնում ենք 180 աստիճան տաքության և եփվում 30-40 րոպե, երբ տեսնենք, որ արդեն վարդագույն տեսք է ստացել ուրեմն այն պատրաստ է:
Բարի ախորժակ
