Վերջնական խաղաղության սկիզբը կդրվի այդ օրվանից հետո ․

ԱՄՆ-ի զենքը ավելի որակով է, քան ռուսականը։ Տարիներ հետո կամ հենց այս պահին աշխարհի մեկ այլ անկյունում առկա է մեկ այլ զենք, որը առավել որակով է, քան ԱՄՆ-ինը ու ռուսականը իրար հետ վերցրած ու այդպես շարունակ օր օրի ստեղծվում են նոր զենքեր և զինամթերքներ։

Վերջնական խաղաղության սկիզբը կդրվի այդ օրվանից հետո ․

Տարիներ շարունակ այս երկրները մեզ և Ադրբեջանին դիտարկում են, որպես բիզնես հարթակներ՝ զենքի վաճառքի տեսանկյունից։ Ու Արցախի հարցի կարգավորումը հենց առաջինը իրենց գրպանին է վնասելու։ Առաջին հերթին հենց դա է պատճառը, որ այս հարցը մնացել է բոլորիս կոկորդներին։

Իսկ Հայաստանի նման իրավիճակում գտնվող երկիրը վաղուց պետք է մտածեր, ոչ թե ԱՄՆ-ից, Ռուսաստանից կամ որևէ այլ վայրից զենք գնելու , այլ իր տարածքում նմանատիպ զենքեր արդատադրելու մասին։ Մենք տարիներ շարունակ ապացուցել ենք, որ մեր շարքերում կան չափից շատ խելացի մարդիկ, ովքեր ամբողջ աշխարհի մակարդակով տարբեր աշխատանքներ են կատարել, տարբեր գյուտերի հեղինակներ են։ Ուղղակի տարիներ շարունակ նրանք իրենց գիտելիքները ծառայեցրել այլ երկրներում։

Երևի վաղուց էր ժամանակը, բայց հիմա է այն կարևոր պահը, որ պետք է փնտրել ու գտնել այն մարդկանց, ովքեր վաղը Հայաստանի համար կստեղծեն ամենակարևորը՝ պաշտպանության և վերջնական հաղթանակի համար նախատեսված սարքավորումները, որ այլևս որևէ պետություն մեզ բիզնես հարթակ չդիտարկի։

Այդ օրվանից հետո սկիզբ կդրվի վերջնական խաղաղությանը։

Понравилась статья? Поделиться с друзьями: