Փոխգնդապետ Արտակ Աղեկյանն զոհվել է, երբ փորձել է փրկել 20-ամյա զինծառայողի կյանքը. Այսօր նա կդառնար 40 տարեկան.
2015 թվականի փետրվարի 28-ին ադրբեջանական կողմը ձեռնարկել էր դիվերսիոն հետախուզական ներթափանցման փորձ, որի ժամանակ
զոհվեց փոխգնդապետ Արտակ Աղեկյանը:
Հմուտ սպան կարողացել է փրկել երեք զինվորի կյանք, իսկ երբ փորձել է փրկել նաև 20-ամյա Հայկ Բարոյանին, հակառակորդի փամփուշտից
ընկել է:
«Դիվերսիայի ժամանակ դիմադրությունն այնպես է կազմակերպել, որ քիչ զոհեր են եղել։ Ինքը զոհվել է, քանի որ փորձել է մյուս զինծառայողին
փրկել, բայց երեք հոգու հաջողվել է փրկել: Ամբողջ քաղաքը սգում է, մյուս զինվորը՝ Հայկը, որը նույնպես մահացել է, իր վարորդն էր, նույնպես
Տաշիր քաղաքից: Մեզ մոտ հիմա համաքաղաքային վիշտ է- այս մասին պատմել է Արտակ Աղեկյանի քրոջ ամուսինը»:
Արցախի նախագահ Բակո Սահակյանի հրամանով ԼՂՀ պետական սահմանը պաշտպանելիս ցուցաբերած արիության համար ԼՂՀ պաշտպանության բանակի զինծառայողներ Արտակ Աղեկյանը եւ Հայկ Բարոյանը հետմահու պարգեւատրվել են «Մարտական ծառայություն» մեդալով։
