Հասմիկ Պապյանը վերջերս ակտիվորեն քաղաքական գրառումներով ու ելույթներով հանդես գալիս։ Պապյանը ասում է․ Ես կուզենայի չուշացնենք գնահատականներ հնչեցնելուց, թե ինչու ինչպես եղավ։
Ուշանում ենք, որ պետք էր արագ գործել, պիտի տեսնենք ինչու էդպես ստացվեց, պատասխանատուներ պիտի գտնեինք էդ ամենին։ Նույնիսկ գերհուզական պահին պիտի պատասխանները գտնենք, որովհետև էլ չենք կարող ասել՝ «վերջը լավ կլինի», «լույս կբացվի» և այլն։
Հենց էս հուզականի ժամանակ է պետք գնահատականներ տալ, թե չէ հետո կսառչի ու կքնեցնենք, չենք կարողանա հասկանալ ինչ եղավ։ Հիմնական մեղավորը մենք ենք ինչու հասանք էստեղ, մեր նկարագիրն է մեղավոր ազգային, որը հանցավոր է։ Էդ հոգեբանությամբ չենք կարող ապրել, որովհետև դասեր չքաղեցինք ոչ մի կերպ։
Ավելի ծանր է ոչ միայն կատարվելիքը, այլ այն որ մենք վերլուծական առումով դեռ չենք հասկանում ու ըմբռնում։ Հողից ու տարածքից բացի կոտրվել է ողնաշարը մեր։
