Մկրտիչ Գայրանյանը ֆեյսբուքյան իր էջում գրել է․
Այս պահի դրությամբ պատերազմի հետևանքով ստեղծված իրավիճակում Հայաստանի Հանրապետության և Արցախի Հանրապետության նոր սահմանները որոշ տվյալներով երկարել են ավելի քան 500 կմ -ով, ընդ որում որոշ տեղերում թշնամու դիրքերից ընդամենը տասնյակ մետր հեռավորության վրա։ Դրան գումարած մյուս հատվածներում բնագծերը փոփոխվել կամ ռմբակոծության հետևանքով ամբողջովին ավերվել են։ Չնչին բացառությամբ ամբողջ շփման գծով անհրաժեշտություն կա լրիվ զրոյից նոր, ավելի արդիական պաշտպանական համակարգ կառուցելու։
Դա հսկայական աշխատանք է և այդ ամենը միայն բանակի ուսերին թողնելը շատ սխալ կլինի, նաև ոչ իրատեսական ։ Քանի դեռ իրավիճակը խաղաղ է պետք է պետության և հասարակության ամբողջ ուժը կենտրոնացնել այս աշխատանքների վրա, չթողնել , որ մեր զինվորները էս ամենի միջով անցնելուց հետո մի հատ էլ բահով ու քլունգով անեն դա, 21րդ դարում ենք, անհրաժեշտ է ներգրավել երկրում եղած ողջ տեխնիկան ու մարդկային ռեսուրսը։
Մեր դառը փորձը ցույց տվեց որ , այն դիրքերում, որտեղ ժամանակակից պայմաններին համապատասխան ինժեներական աշխատանքներ էին արվել , այդ տեղերում դիրքերը հիմնականում անառիկ մնացին և ամենակարևորը մարդկային կորուստներ քիչ ունեցանք։
Դա պետք է արվի թշնամու հետ զուգահեռ, հիմա քանի իրենց կողմից էլ են նման աշխատանքներ տարվում մեր բնագծերում մենք կարող ենք հանգիստ ու անվտանգ իրականացնել , հենց իրենք վերջացրեցին իրենց աշխատանքները ամեն ձև խոչընդոտելու են ու էլի մնալու ենք բահի ու քլունգի հույսին։
Ժամանակը գնում է , պետք է արագացնել , հետո նման հնարավորություն կարող է էլ չունենանք …
